Bugun, 21-fevral kuni Firdavs Abduxoliqovga oid ma’muriy huquqbuzarlik to‘g‘risidagi ishni ko‘rib chiqish bo‘yicha sud jarayoni nihoyasiga yetdi. Bu haqda Oliy sud axborot xizmati ma’lum qildi.

Qayd etilishicha, jinoyat ishlari bo‘yicha Chilonzor tuman sudida Kinematografiya agentligi bosh direktori Firdavs Abduxoliqovga oid ma’muriy huquqbuzarlik to‘g‘risidagi ishni ko‘rib chiqish bo‘yicha sud qarori e’lon qilindi.

Unga ko‘ra Abduxoliqov Ma’muriy javobgarlik to‘g‘risidagi kodeksning 175-8-moddasi (davlat xaridlari to‘g‘risidagi qonunchilikni buzish) 4-qismida nazarda tutilgan ma’muriy huquqbuzarlikni sodir etgan deb topilib, unga bazaviy hisoblash miqdorining 30 baravari miqdorida jarima jazosi tayinlandi.

Qayd etish mumkin, ushbu qaror ustidan Ma’muriy javobgarlik to‘g‘risidagi kodeksda belgilangan tartib va muddatda apellyasiya shikoyati yoki protest berish mumkin.

• Firdavs Abduxoliqov