Fransiya ichki ishlar vaziri Jerald Darmanin 2024-yilda Parijda bo‘lib o‘tadigan Olimpiada o‘yinlari vaqtida politsiyachilarga xizmat vaqtida saqich chaynashni taqiqladi. Bu haqda “Le Soir” ma’lum qildi.

“Saqich chaynamang, uyali telefoningizga qaramang, odamlarga rasmiy murojaat qiling va har qanday sharoitda xotirjam bo‘ling”, dedi u.

Ichki ishlar vazirligi rahbarining so‘zlariga ko‘ra, politsiyaning harakatlari mamlakat obro‘si uchun juda muhim bo‘ladi. Darmanin Fransiyaning qiyofasi har bir zobitga bog‘liq bo‘lishini ta’kidlagan.

Eslatib o‘tamiz, o‘yinlar 2024-yilning 26-iyulidan 11-avgustiga qadar bo‘lib o‘tadi.

• Fransiya
• Olimpiada