Gabonda davlat toʻntarishini amalga oshirgan harbiylar oʻtish davrida mamlakat rahbari general Bris Oligui Nguema boʻlishini eʼlon qildi. Bu haqda kecha, 30-avgust kuni kechqurun ular milliy telekanalning jonli efirida aytib o‘tdi.

Ushbu ma'lumotlarga ko'ra, Nguema Gabon Respublika gvardiyasi bosh qo'mondoni, shuningdek, mamlakatning ag'darilgan prezidenti Ali Bongo Ondimbaning amakivachchasi hisoblanadi.

Avvalroq Gabondagi harbiy guruh jamoat televideniyesi orqali 14 yildan beri hokimiyatda bo‘lgan va 26-avgust kuni uchinchi muddatga qayta saylangan prezident Ali Bongoning iste’foga chiqarilishini e’lon qilgani xabar qilingandi.

Ayni paytda davlat to‘ntarishi tashkilotchilari saylov natijalarini haqiqiy emas deb e’lon qildi, barcha hokimiyat institutlarini tarqatib yubordi va keyingi ogohlantirishgacha mamlakat chegaralarini yopib qo‘ydi.

• Davlat to‘ntarishi
• Gabon