Germaniya politsiyasi shvesiyalik eko-faol Greta Tunbergni (20 yosh) Lyutzerat qishlog‘i yaqinida hibsga oldi, u va boshqa bir necha yuzlab namoyishchilar hududda ko‘mir qazib olish rejalariga qarshi norozilik bildirish uchun yig‘ilgan. Keyinroq polisiya uni norozilik namoyishi bo‘lgan joydan olib ketgan.
Namoyishchilar Garzvayler karyeriga qarab yurishganida, politsiya tayoq va ko‘zdan yosh oqizuvchi gazdan foydalangan. Tunberg huquq-tartibot idoralari xodimlari qurshovida qolgan bir guruh namoyishchilar orasida bo‘lgan. Boshqa faollar shaxsini aniqlash maqsadida olib ketilgan.
Germaniyaning Axen shahri matbuot kotibi Dana Zimmermanning aytishicha, namoyishchilarning barchasi shaxsi aniqlanmaguncha stansiyada qoladi. “Welt” nashriga ko‘ra, shundan so‘ng namoyishchilar qo‘yib yuboriladi.
Shimoliy Reyn-Vestfaliyada joylashgan qishloqni tozalash RWE energetika kompaniyasi va hukumat o‘rtasida kelishilgan. Shu munosabat bilan qishloq yanvar oyi oxirigacha unda yashovchi aholidan butunlay ozod qilinishi kerak. Biroq, Lyutzeratni saqlab qolish uchun ko‘mir qazib olishga qarshi norozilik bildirgan eko-faollar allaqachon yangi uylarga ko‘chirilgan.
11-yanvar kuni qishloqda ketayotgan aholining uylarini egallab olgan faollarni tarqatish bo‘yicha operatsiya boshlandi. Politsiya Lyutzeratni qurshab oldi. Huquq-tartibot idoralari xodimlariga toshlar va pirotexnika vositalari, shuningdek, molotov kokteyllari uloqtirildi, bir necha xavfsizlik xodimlari yengil jarohat oldi. Namoyishlarda zo‘ravonlik qo‘llangani uchun ikki kishi hibsga olinib, jinoiy ish qo‘zg‘atilgan. 200 dan ortiq odam o‘rab olingan hududdan olib chiqib ketilgan.
15 yanvar kuni Axen politsiyasi namoyishchilarni tarqatish chog‘ida 70 nafar politsiyachi yaralangani, 300 ga yaqin odam Lyutzerat tashqarisiga olib ketilganini ma’lum qildi. Operatsiya boshlanganidan buyon 154 ta jinoyat ishi qo‘zg‘atilgan.
Qayd etish mumkin, shvesiyalik 20 yoshli atrof-muhit faoli Greta Tunberg 2019-yilda BMT sammitida nutq so‘zlaganidan so‘ng mashhurlikka erishgan edi. Keyin u ko‘zlarida yosh bilan mamlakatlar rahbarlarini harakatsizlik, ochko‘zlik va bolaligini o‘g‘irlashda ayblagan.
“Biz ommaviy yo‘q bo‘lib ketish arafasidamiz, lekin siz faqat pul va abadiy iqtisodiy o‘sish haqida gapirishingiz mumkin xolos”, – degan edi u. O‘sha yili u Tinchlik bo‘yicha Nobel mukofotiga nomzod bo‘lgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!