“Menimcha, bu Kanada fuqarolari uchun soliqlarni keskin kamaytiradi. Siz dunyodagi eng qudratli armiya, a’lo darajadagi tibbiy xizmat va boshqa ko‘plab narsalarga ega bo‘lasiz. Bu juda katta afzalliklar beradi” — degan Qo‘shma Shtatlar prezidenti Kanada bosh vaziri bilan Oq uydagi uchrashuvida.

Bosh vazir Mark Karni bunga javoban “Kanada sotilmaydi!”, – deb javob berdi.

“Agar siz ko‘chmas mulk dunyosidan xabardor bo‘lsangiz, ayrim hududlar bor, ular hech qachon sotilmaydi... So‘nggi bir necha oyda saylov kampaniyasi doirasida Kanada fuqarolari bilan uchrashdim, aytishim mumkinki, mamlakatimiz hech qachon sotilmaydi, bu kanadaliklarning xohishi. Ammo o‘zaro hamkorligimizda katta imkoniyatlar bor”, — deya ta’kidlagan Kanada hukumati rahbari.

Karni, shuningdek, Ottava Trampning mudofaa xarajatlarini oshirish g‘oyasini qo‘llab-quvvatlashini bildirdi. AQSh prezidenti esa kanadaliklar allaqachon bu yo‘lda harakat qilayotganini tasdiqladi.

• AQSh
• Bosh vazir
• Kanada
• Tramp
• uchrashuv