Global Sumud flotiliyasi qariyb 40 ta kemadan tashkil topgan bo‘lib, unda turli davlat parlamentlari vakillari, huquqshunoslar va fuqarolik jamiyati faollari ishtirok etmoqda. Ulardan biri mashhur iqlim faoli Greta Tunbergdir.

Yaqinda Italiya va Ispaniya flotiliyaga kuzatuvchi kemalarini yuborib, zarurat tug‘ilganda yordam ko‘rsatishini bildirgan, biroq harbiy aralashuvdan tiyilishini ma’lum qilgan. Gretsiya qirg‘oq qo‘riqchilari ham flotiliya o‘z hududi orqali o‘tayotganida kuzatuv olib borishini aytgan.

O‘tgan haftada flotiliya dron hujumiga uchrab, bir nechta kema zarar ko‘rgan. Isroil bu voqea yuzasidan izoh bermagan, ammo ilgari G‘azoga kemalar kirishiga yo‘l qo‘ymaslik uchun barcha choralarni ko‘rishini bildirgan edi. Tel-Aviv hukumatiga ko‘ra, G‘azo sektoriga nisbatan dengiz blokadasi qonuniy hisoblanadi.

• Ispaniya
• Italiya