O‘zbekistonda yangi tayinlangan pensiyalar tarkibida to‘liq ish stajiga ega bo‘lmagan fuqarolar ulushi 61 foizga yetdi. Ya’ni, bugungi kunda har uch nafar yangi pensionerning qariyb ikki nafari to‘liq ish stajisiz pensiyaga chiqmoqda.

Shuningdek, umumiy pensionerlar tarkibida ham to‘liq ish stajiga ega bo‘lmagan fuqarolar salmog‘i 39 foizni tashkil etmoqda.

Ma’lumotlarga ko‘ra, bu ko‘rsatkich yillar davomida sezilarli darajada oshgan. Xususan, 2010-yilda yangi tayinlangan pensiyalar orasida to‘liq ish stajiga ega bo‘lmagan fuqarolar ulushi 6 foiz bo‘lgan.

Ko‘rsatkichning 61 foizga yetgani fuqarolarning mehnat faoliyati davomida rasmiy ish stajini shakllantirishi va pensiya tizimida ishtirok etishi masalasining dolzarbligini ko‘rsatadi.