Armanistonning sobiq prezidenti Serj Sargsyan o‘zidan oldingi prezident Robert Kocharyan hibsga olinganidan keyin mansab vakolatini suiiste’mol qilishda ayblanmoqda. Bu haqda news.am respublikaning Korrupsiyaga qarshi kurash qo‘mitasiga tayanib xabar berdi.

Seshanba kuni Armaniston Bosh prokuraturasi Robert Kocharyan ishi bo‘yicha ayblanayotganlar orasida sobiq prezident Serj Sargsyan, 2007-yilda vafot etgan sobiq bosh vazir Andranik Markaryan, Yerevanning sobiq meri Gagik Beglaryan va yana olti kishi borligini e’lon qildi.

“Korrupsiyaga qarshi kurashish qo‘mitasi tomonidan ikkinchi prezident Robert Kocharyanga qarshi qo‘zg‘atilgan jinoiy ish doirasida sobiq prezident Serj Sargsyanga ham 2003-yil 18-aprelda qabul qilingan Jinoyat kodeksining 308-moddasi 2-qismi (amaldagi Jinoyat kodeksining 441-moddasi 2-qismi 5-bandiga mos keladi - mansabdor shaxs tomonidan hokimiyat yoki mansab vakolatini suiiste’mol qilish yoki ulardan kelib chiqadigan ta’sir yoki vakolat doirasidan chetga chiqish) bo‘yicha ayblovlar qo‘zg‘atildi”, deyiladi nashr saytida.

• Armaniston
• Prezident