Google platformasida AQSh dollarining so‘mga nisbatan kursi qisqa muddatga 6 778 so‘m sifatida noto‘g‘ri aks etdi. Biroz vaqt o‘tib, kurs yana 12 ming so‘m atrofidagi haqiqiy qiymatiga qaytdi.

Markaziy bank “Daryo” nashriga bergan izohiga ko‘ra, ushbu holat xalqaro platformadagi texnik nosozlik sabab yuzaga kelgan. Ta’kidlanishicha, boshqa qidiruv va axborot platformalarida valyuta kursi to‘g‘ri ko‘rsatilgan. Ma’lumotlar aks etishida bunday xatoliklar vaqti-vaqti bilan uchrab turadi, regulyator esa uchinchi shaxslar va xalqaro platformalar tomonidan e’lon qilinadigan yoki uzatiladigan axborot uchun javobgar emas.

Valyuta kurslariga oid rasmiy ma’lumotlar Markaziy bank hamda Respublika valyuta birjasi rasmiy saytlarida e’lon qilib boriladi.

• Dollar
• Google
• Markaziy bank