Gilos tarkibida antioksidantlar, A, C, K vitaminlari, minerallar (kaliy, magniy, kalsiy) va o‘simlik tolalari mavjud. Shuningdek, bu meva:

- tanani shikastlanishdan va surunkali kasalliklarning rivojlanishidan himoya qiladi (yurak kasalliklari, onkologiya, Alsgeymer kasalligi va boshqalar);
- immunitet va suyaklarni mustahkamlaydi;
- xolesterin darajasini pasaytirish va vazn yo‘qotishda iste’mol qilinadi;
- xotira va uyqu sifatini, yurak faoliyatini, shuningdek, metabolizm va ovqat hazm qilishni yaxshilaydi;
- teri holatini yaxshilaydi.

Har kuni gilos iste’mol qilish mumkin, biroq ehtiyotkorlik zarar qilmaydi.

Kunlik me’yor
Mutaxassislarning ta’kidlashicha, gilosning kunlik me’yori 200 gramm, ya’ni taxminan bir stakanni tashkil qiladi. Bu miqdor 110 kkal, 2 gramm oqsil, 1 gramm yog‘ va 21 gramm uglevodlarni o‘z ichiga oladi. Diyetologlar gilosni kunning birinchi yarmida iste’mol qilishni tavsiya etadi.

Ammo gilos hammaga ham birdek foyda bera olmaydi. Quyidagi shaxslar va sog‘lig‘ida muammosi bor insonlarga gilos tavsiya etilmaydi:

- qandli diabet bilan og‘rigan bemorlar (qonda shakar darajasining ko‘tarilishiga olib kelishi mumkin);
- allergiyasi borlar;
- oshqozon va ichakda muammolari bor insonlar (diareya, ichak tizimida gazlar paydo bo‘lishi mumkin);

- buyrakda toshlari bor bemorlar;
- homiladorlar (shishib ketish xavfi) va emizikli ayollarda (chaqaloqda allergiya xavfi) noqulayliklarni keltirib chiqarishi mumkin.

• Gilos