Kanadaning COVID vaksinalarini ishlab chiqarish markazi biror marta foydalanishga yaroqli doza ishlab chiqarmagan. Hukumat esa binoni qurish uchun millionlab dollar sarflagan.

“Kanadada koronavirus pandemiyasining eng yuqori cho‘qqisida Bosh vazir Jastin Tryudo tashabbusi bilan 2020-yil COVID vaksinasini ishlab chiqaradigan markaz qurilgan. Oradan to‘rt yil o‘tib, ishlab chiqarish liniyasidan bir flakon ham foydalanishga yaroqli vaksina tushmagan”, — deb xabar berdi CBC News.

Markaz hech qachon vaksina ishlab chiqarmasligiga qaramay, uni saqlash uchun har yili davlat tomonidan mablag‘ ajratiladi. Moliyalashtirish miqdori esa 13 million AQSh dollari. Markazda oʻz vaksinalarini ishlab chiqarishi kerak boʻlgan Amerika kompaniyasi vakillarining soʻzlariga koʻra, kechikish boʻlsa-da, yaqin orada yangi vaksina ishlab chiqiladi. Bu hol omma uchun ancha shubhali tuyulmoqda. Negaki, laboratoriya va korxona biror marta ishlashdan to‘xtamagan.

Dunyoda COVID’ning yangi varianti – FliRT yoyilmoqda. Virus Rossiyaga ham yetib kelgan.

• Kanada