O‘zbekiston Respublikasi Vazirlar Mahkamasining Madaniy merosni himoya qilish inspeksiyasi hamda Madaniy meros agentligi “Ichan-Qalʼa” davlat muzey-qo‘riqxonasida o‘rganish ishlarini olib bordi. O‘rganish davomida bir qator kamchilik va muammolar aniqlangan.

Xususan, ayrim ashyolarning tavsiflariga o‘zgartirishlar kiritilganligi yuzasidan asoslovchi hujjatlar mavjud emas deb topilgan.

Madaniy meros agentligi Matbuot xizmati maʼlumotiga ko‘ra, shuningdek, o‘rganish davomida noyob ashyolar ro‘yxatiga kiritilgan eksponatlar xatlovdan o‘tkazilgan.

"Jami 101 ta muzey ashyolari kirim kitobi tavsifnomalaridagi o‘lchami, materiali, ishlanish uslubi va yaratilgan davri bo‘yicha mos kelmasligi aniqlandi", – deyiladi Agentlik bergan maʼlumotda.

Qayd etilishicha, madaniy merosni himoya qilish inspeksiyasi tomonidan o‘rganish yakunlari bo‘yicha tegishli xat-hujjatlar huquqiy baho berish uchun huquqni muhofaza qilish organlariga taqdim etilgan.

• Ichan qal'a
• Madaniy meros
• Xorazm
• muzey