Davlat xavfsizlik xizmati xabariga ko‘ra, 2004–2006-yillarda tug‘ilgan bir guruh yoshlar Telegramda kanal ochib, IShID va “Turkiston islom harakati” kabi terroristik tashkilotlarga oid materiallarni tarqatishgan.

Shuningdek ular yopiq guruhlarda targ‘ibot olib borib, “jihod”, “hijrat”, “shahid” kabi yolg‘on shiorlar bilan boshqalarni ham aldashga urinishgan. Hatto Instagram orqali ham taqiqlangan kontentni tarqatishgan.

“Davlat xavfsizlik xizmati va boshqa huquqni muhofaza qiluvchi organlar tomonidan o‘tkazilgan tezkor tadbirlar natijasida ushbu shaxslar qo‘lga olinib, ularga nisbatan qonuniy choralar ko‘rildi”, – deyiladi rasmiy xabarda.

*IShID O‘zbekiston va Rossiyada taqiqlangan terrorchilik tashkiloti.

• DXX
• Diniy aqidaparastlik
• Terrorchilik