Bugun, 26-fevralda Isroil kuchlari Suriya hududiga havodan bir qancha zarbalar bergan. Bu haqda Isroil Mudofaa vazirligi xabar bermoqda.

Hujumlar mamlakat janubidagi harbiy nishonlar, qurol-yarog‘ omborlariga qaratilgani ma’lum bo‘lgan. “Isroil Harbiy-havo kuchlari Suriya janubini tinchlantirish bo‘yicha biz belgilagan yangi qoidalar bo‘yicha Suriya janubiga zarbalar bermoqda. Maqsadimiz aniq, biz Suriya janubining Livan janubiga aylanishiga yo‘l qo‘ymaymiz. Suriya rejimi kuchlari va mamlakatdagi terror tashkilotlarining Suriya janubidagi xavfsizlik zonasida nazorat o‘rnatishga qaratilgan har qanday urinishlari o‘t ochish bilan kutib olinadi”, degan Isroil Mudofaa vazirining rasmiy vakili.

Reuters’ning mahalliy aholi va telekanallarga tayanib xabar berishicha, 26-fevralga o‘tar kechasi Isroil Damashqdan 20 km janubda joylashgan Kisve shahriga, shuningdek, mamlakat janubidagi Dara viloyatiga hujum uyushtirgan.

• Havo hujumi
• Isroil
• Suriya