O‘zbekistonning Isroildagi elchixonasi mamlakatda istiqomat qilayotgan vatandoshlarga ehtiyot choralarini ko‘rishga chaqirdi.

Bu haqda elchixona o‘zining Telegram kanalida ma’lum qildi.

Unga ko‘ra, Isroildagi mavjud xavfsizlik vaziyati munosabati bilan Oʻzbekiston elchixonasi yana bir bor quyidagi ehtiyot choralarini koʻrishni qatʼiy tavsiya qiladi:

1. Isroilning ayrim hududlariga borishdan saqlaning.

2. Isroil hukumati va Oʻzbekiston elchixonasi rasmiy xabarlarini kuzatib boring. Isroil front-orti qoʻmondonligidan bildirishnomalar va ogohlantirishlar (Home Front Command) mobil ilovasi yoki veb-sayti havolasini telefoningizga oʻrnating.

3. Shaxsingizni tasdiqlovchi hujjatlar va Oʻzbekiston elchixonasining aloqa maʼlumotlarini doimo oʻzingiz bilan olib yuring. Favqulodda vaziyatlarda bu sizga tezroq yordam olishga yordam beradi.

4. Imkon qadar ommaviy yigʻilishlar joyini chetlab oʻting va jamoat joylariga tashrif buyurishni cheklang.

• Elchixona
• Isroil