Xitoylik ijodkorlar ilk marta Suriyada film suratga olmoqda. “Uy operatsiyasi” deb nomlangan ushbu filmda taniqli aktyor Jeki Chan bosh prodyuser sifatida ishlamoqda. Suratga olish ishlari Damashq va boshqa shaharlarda bo‘lib o‘tadi.

"Uy operatsiyasi" kartinasi Xitoy hukumati buyurtmasi asosida tayyorlanmoqda.

Suratga olish ishlari Damashqning al-Hajar al-Asvad hududida va poytaxtning Daraya chekkasida, shuningdek, Xoms, Tartus va Banyas shaharlarida bo‘lib o‘tadi. Ma’lumotlarga koʻra, suratga olish uchun mamlakat tanlashda prodyuserlar “urush boʻlgan hududlarni izlashgan”.

“Turli arab mamlakatlari variant ko'rib chiqildi, ammo aynan Suriya prodyuserlarga mos keladigan "texnik imkoniyatlar va suratga olish uchun mos tabiat"ga ega edi. Suratga olish ishlari bir hafta avval boshlangan, Suriyadagi ishlar muammosiz ketmoqda va ikki yarim oyga yaqin vaqtni oladi”, deydi kompaniya direktori.

• Jeki Chan
• Kino
• Suriya
• Xitoy
• qiziqarli