Joriy yilning 13-aprel kuni Forish tumanidagi “Egizbuloq” m.f.y, “Ko‘ktepa” AXM hududidagi fermer xo‘jaliklarining biriga qarashli cho‘pon uyida vaqtincha yashab, cho‘ponlik qilib kelayotgan, 1977-yilda tug‘ilgan fuqaro M.G‘ qotillikka qo‘l urdi.

U ushbu hududda cho‘ponlik qilib kelayotgan tanishi 1977-yilda Paxtakor tumanida tug‘ilgan J.X va 1973-yilda shu tumanda tug‘ilgan X.X bilan spirtli ichimlik isteʼmol qilib, o‘rtalarida kelib chiqqan janjal oqibatida, mastlik holatida yonida bo‘lgan oshxona pichog‘i bilan J.X va X.Xlarning ko‘krak qafasiga bir necha marta tan jarohati yetkazib, ularni qasddan o‘ldirgan va voqea joyidan yashiringan.

Mazkur holat yuzasidan viloyat prokuraturasi tomonidan Jinoyat kodeksining 97-moddasi bilan jinoyat ishi qo‘zg‘atilib, dastlabki tergov harakatlari olib borilmoqda.

Forish tumanida yuz bergan qasddan odam o‘ldirish bilan bog‘liq sodir etilgan jinoyat viloyat prokurori, viloyat IIB boshlig‘i, tuman sektor rahbarlari, mutasaddi idoralarning rahbarlari va keng jamoatchilik vakillari ishtirokida muhokama qilindi.

• Cho‘pon
• Jizzax
• Qotillik