Kim Chen In Putinga Shimoliy Koreyaga tashrif buyurishni taklif qildi. Bu haqda KXDR davlat radiosi xabar berdi. Yonhap xabariga ko‘ra, Rossiya prezidenti taklifni qabul qilgan.

Ammo gap shundaki, Kreml matbuot kotibi Dmitriy Peskov bir kun avval Putinning KXDRga javob tashrifi hozircha rejalashtirilmaganini aytgandi. Ikkala tomon tarqatayotgan ikki xil ma’lumot sabab OAVda Putinning Shimoliy Koreyaga tashrifi haqiqatda "rostmi yoki yo‘q?" degan savol tug‘ilmoqda.

“Ziyofatdan so‘ng, Kim Chen In hurmatli do‘st Rossiya Prezidenti Vladimir Putinni o‘ziga qulay vaqtda Koreya Xalq Demokratik Respublikasiga tashrif buyurishni samimiy taklif qildi”, – deyiladi KXDR davlat radiosi tarqatgan xabarda.

Janubiy Koreyaning Yonhap axborot agentligining KXDR Markaziy telegraf agentligiga (KCNA) tayanib xabar berishicha, Putin taklifni qabul qilgan. Maqola chop etilgan KCNA veb-saytida ushbu tashrif haqida boshqa hech qanday ma'lumot berilmagan.

Siyosatchilarning fikriga ko‘r, Putinning KXDRga tashrifi rostan ham rejalashtirilmagan bo‘lgan. Ammo Putin Kim Chen In bildirgan taklifga rozi bo‘lgan. Bunga Rossiya rahbari Shimoliy Koreya yetakchisining "rayini qaytara olmagani" sabab bo‘lgan bo‘lishi mumkin.

• Peskov
• Putin
• Rossiya
• Shimoliy Koreya