2022 yilning birinchi oyida O‘zbekiston qimmatli qog‘ozlar bozorida xorijiy aksiyadorlar soni 0,4 foizga oshib, 3 147 nafarni tashkil qildi. Bu haqda “O‘zbekiston Qimmatli qog‘ozlarning Markaziy depozitariysi” davlat korxonasi maʼlum qildi.

Qayd etilishicha, yuridik shaxslar soni 1taga kamayib 320tani, jismoniy shaxslar soni esa 14taga ko‘payib 2827tani tashkil etgan.

Shuningdek, hisobot davrida xorijiy investorlarning aksiyadorlar umumiy sonidagi ulushida o‘zgarish yuz bermadi va o‘tgan oydagi singari 0,34 foizni tashkil etdi. Aksiya chiqarilishlarining umumiy hajmidagi ulushi esa 0,03 foizga o‘sdi va 2,56 foizni tashkil etdi.

Xorijiy mulkdorlarga tegishli aksiyalarning umumiy portfeli o‘tgan oyga nisbatan 3,1 foizga ortdi va 3,99 trln.so‘mni tashkil etdi.

O‘zbekiston emitentlarining aksiyalariga sarmoya kiritish bo‘yicha yetakchilikni quyida ko‘rsatilgan besh asosiy toifadagi statistik ro‘yxatlarda birinchi o‘ringa loyiq topilgan mamlakatlar – Qozog‘iston, Kipr va Rossiya egalladi:

– investitsiyalarning umumiy summasi bo‘yicha – Qozog‘iston, 1 164,4 mlrd.so‘m;

– aksiyadorlik kapitaliga sarmoya kiritilgan aksiyadorlik jamiyatlari soni bo‘yicha – Rossiya, 198 ta AJ;

– aksiya egalarining umumiy soni bo‘yicha – Rossiya, 1 490 ta aksiyador;

– aksiyadorlar-yuridik shaxslar soni bo‘yicha – Kipr, 41 aksiyador;

– aksiyadorlar-jismoniy shaxslar soni bo‘yicha – Rossiya, 1 462 aksiyador.

Maʼlumot uchun, aksiyadorlar-yuridik shaxslar soni bo‘yicha Kiprdan so‘ng 34ta aksiyadorlari bilan Buyuk Britaniya va Kayman orollari (Buyuk Britaniya) band qilgan.

• Aksiya
• Kipr