“18 aprel – Xalqaro yodgorliklarni va tarixiy joylarni asrash kuni” munosabati bilan Turizm va madaniy meros vazirligi hamda uning huzuridagi Madaniy meros agentligi tomonidan OAB va blogerlar uchun Xorazm viloyatida press-tur tashkil etildi.

Kun davomida biz tarixiy yodgorlik Ichan qal’a bilan yaqindan tanishdik. Taassurotlar ajoyib. Ichan qalʼa rostdan ham har qancha eʼtibor va eʼtirofga arziydigan maskan. Bu haqiqiy tarixiy xazina..

Ichan qalʼa — Oʻrta Osiyodagi yirik va noyob meʼmoriy yodgorlik. Xivaning ichki qalʼa (Shahriston) qismi. Ichan qalʼa shaharning Dishan qalʼa (tashqi qalʼa) qismidan kungurador devor bilan ajratilgan. U Xiva raboti (Dishan qalʼa)dan baland qoʻrgʻontepaga oʻxshab koʻrinadi. Ichan qalʼaga 4 darvoza (Bogʻcha darvoza, Polvon darvoza, Tosh darvoza, Ota darvoza)dan kirilgan.

Qalʼadagi meʼmoriy yodgorliklarning yaratilish tarixi, asosan,

4 davrga taalluqli: birinchisi Xorazmning qad. davridan to moʻgʻullar istilosi davriga qadar. Ikkinchisi Xorazmning 1220-yildagi moʻgʻullar istilosidan keyin tiklanish davri. Uchinchi davri XVI—XVII asrlarga toʻgʻri keladi. Toʻrtinchi davri XVIII—XX asrlarni oʻz ichiga oladi. Bu davrda Ota darvozadan Polvon darvozagacha katta yoʻl oʻtkazildi.

Ichan qalʼa ansambli meʼmoriy yodgorlik sifatida muhofazaga olinib, muzeyga aylantirilgan (1961). 1990-yildan Ichan qalʼa Butunjahon madaniy meros yodgorliklari roʻyxatiga kiritilgan.

• Xiva
• Xorazm
• qal'a