Germaniyadagi Yevropa janubiy observatoriyasi astronomlari guruhi Virjin yulduz turkumida Yerdan 360 million yorug‘lik yili uzoqlikda joylashgan qora tuynuk uyg‘onganini aniqlandi.

Olimlarning fikriga ko‘ra, chuqur fazoning diqqatga sazovor bo‘lmagan hududida yorug‘likning o‘zgarishi birinchi marta 2019-yilda kuzatilgan. Mutaxassislar birinchi marta bunday jarayonni real vaqt rejimida kuzatishga muvaffaq bo‘lishgan.

Uyg‘ongan qora tuynuk SDSS1335+0728 deb nomlangan galaktika markazida joylashgan. Uning massasi Quyosh massasidan 1 million marta katta, -deyiladi xabarda.

Tadqiqotchilar galaktika yaqinda o‘rta infraqizil nurda ikki baravar, ultrabinafsha nurda to‘rt barobar, rentgen nurlarida esa kamida 10 barobar yorqinroq bo‘lganini aniqlagan.

• Koinot
• Olimlar