Kolumbiya prezidenti Ivan Duke “Enkanto” multfilmining “Oskar” mukofotiga munosib deb topilganidan faxrlanishini maʼlum qildi. Uning aytishicha, multfilmning muvaffaqiyati odamlarda Kolumbiya madaniyati bilan tanishishga qiziqish uygʻotadi.

“Mamlakatimizning madaniyati va tabiiy boyliklaridan ilhom olib yaratilgan “Enkanto” multfilmi eng yaxshi animatsion film sifatida “Oskar” mukofotini olganidan faxrlanamiz. Bu shubhasiz, dunyo aholisiga Kolumbiya moʻʼjizasi bilan tanishishga taklif boʻlib xizmat qiladi”, deydi Duke.

“Enkanto” “Oskar” taqdirlash marosimida “Yilning eng yaxshi animatsion filmi” nominatsiyasida gʻoliblikka erishgan edi. Multfilmda Kolumbiyaning Enkanto shahrida yashovchi Mirabel Madrigal ismli qizning hayoti haqida hikoya qilinadi.

“Enkanto” 2021-yilning noyabr oyida taqdim etilgan boʻlib, u namoyishlardan 25 million AQSh dollari miqdorida daromad olishga ulgurgan. Animatsion film yanvar oyida “Oltin globus” mukofotini ham qoʻlga kiritgan edi.

• Kino
• Madaniyat
• San’at