◾️Avval qalbingizni, so‘ng tashingizni go‘zal qiling. Qalbingizni zikr bilan, tashingizni ibodat va go‘zal axloq bilan ziynatlang.

◾️Do‘stlaringizga va ehtiyojmandlarga minnatsiz yordam qiling.

◾️Yomonlikka yaxshilik bilan javob qiling. Bermaganga bering, kelmaganga boring.

◾️Xatolarni yashiring; o‘z xatolaringiz bilan shu qadar mashg‘ul bo‘lingki, boshqalarning ayb-u xatosini muhokama qilishga vaqtingiz qolmasin.

◾️Da’vat qilinmasangiz-da, qarindoshlaringizni ziyorat qiling. Zarar bermang, zarar ko‘rmang. Taklif va takallufdan uzoq turing.

◾️Allohning ne’matlariga shukr qiling, tortiqni aybsitmang.

◾️Odamlarga qo‘shiling, do‘st bo‘ling, lekin to‘g‘ri yo‘ldan og‘ishtiradigan, xatolarga boshlaydiganlar bilan emas.

◾️Birovga nasihat qilsangiz, faqat o‘ziga qiling. Kim bo‘lishidan qat’i nazar, nasihat, o‘git va tanqidlarni tavoze-yu mamnuniyat bilan qabul qiling.

◾️Saxiy bo‘ling. Hatto muhtojlikda ham ko‘zi to‘q, qanoatli bo‘ling.

◾️Do‘stlaringizni qadrlang, vafodor bo‘ling. “Ko‘ylakning yangisi, do‘stning eskisi yaxshi”.

◾️Samimiyat va zavq bilan insonlarga yegulik tortiq qiling, hadyalar ulashing.

◾️Yaxshilikda va dasturxon yozganda eng yaqin do‘stingiz hamda begonaga bir xil munosabatda bo‘ling.

◾️Do‘stlaringiz sizning narsalaringizdan o‘zinikidek foydalanishiga imkon bering.

◾️Musofir va faqirlarni yaxshi ko‘ring. Ularga yaxshi munosabatda bo‘ling. Faqirni kamsitmang, boylarga qullik qilmang.

◾️Ochiq ko‘ngil, ochiq qo‘l bo‘ling. Har bir amalingizni xolis Alloh uchun bajaring.

“Iymon va huzun” kitobidan

• Foydali
• qiziqarli