Usul nafaqat o‘simliklarning ayrim turlarini yanada samarali o‘stirishga yordam beradi, balki yo‘qolib ketish xavfi ostida bo‘lgan namunalarni ham saqlab qoladi. Eng muhimi, bu ko‘zgularning bir nechtasini sotib olish juda qimmatga tushmaydi.
Olimlarning fikricha, aynan shu usul bilan dunyodagi eng noyob o‘simliklardan biri bo‘lgan Serianthes nelsonii’ni saqlab qolish mumkin. Bu o‘simlik faqat Tinch okeanidagi Guam va Rota orollarida uchraydi. Hozirgi kunda ularning atigi 122 ta nusxasi qolgan. Bu o‘simlik har yili yuzlab ko‘chatlar beradi, ammo quyosh nuriga to‘ymasdan nobud bo‘ladi. Vaziyatning yechimi esa novdalarga tabiiy yorug‘lik yetkazish.
Ushbu masala ustida tadqiqot olib borayotgan Guam universitetining professori Tomas Marler va uning hamkasblari bu g‘oyani ekinzorlarning ustiga yopiladigan qishloq xo‘jaligi plyonkasidan oldi. Uning ishlashi oddiy: madaniy o‘simliklar maxsus teshiklardan o‘sib chiqadi, qolgan barcha begona o‘tlar esa yetarlicha yorug‘lik ololmay, nobud bo‘ladi. Bundan tashqari, quyosh nurlarini bir joyda to‘plash uchun maxsus folga materialidan tayyorlangan qoplamar ham mavjud, ammo ularning narxi bir necha barobar qimmatroq.
Mutaxassislar nur qaytaruvchi plyonka o‘rniga ko‘zgularni tanladi. Ular novda atrofida kichik mozaika ko‘rinishida joylashtirildi. Usulning samaradorligini aniqlash uchun novdalarning yarmi quyosh nurlaridan panada qoldirildi. Natijada, “quyosh energiyasi” bilan ta’minlangan namunalar 175 foiz tezroq o‘sa boshladi. Ularning yashab qolish darajasi esa 161 foizga oshdi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!