Soat 07:30 holatiga ushbu hududlarda yuz berayotgan kuchli shamol ba’zi bir elektr qurilmalarida nosozliklarga sabab bo‘lgan. Bu haqda Energetika vazirligi xabar berdi.

Buning natijasida Samarqand viloyatida 457 MVt (114 ming 250 ta iste’molchi), Jizzax viloyatida esa 64 MVt (16 mingta iste’molchi) quvvat bilan elektr ta’minotida vaqtinchalik qisqa muddatli uzilishlar kuzatilgan.

Shuningdek, vazirlikning keyingi xabarida ushbu viloyatlarda soat 12:00 holatiga ko‘ra 61 ming 500 ta iste’molchining elektr ta’minoti qayta tiklangani ma’lum qilingan.

Hozirgi vaqtda tezkor brigadalar tomonidan qolgan fiderlarda ta’mirlash-tiklash ishlari olib borilmoqda.

• Elektr energiyasi
• Shamol