Fransiyaning Luvr muzeyidan o‘g‘irlangan milliy qimmatbaho toshlar – “qirollik gavharlari” ishi bo‘yicha gumondorlar kecha, 25-oktyabr kuni kechqurun Parij yaqinida qo‘lga olindi. Bu haqda “Le Parisien” gazetasi xabar berdi.

Parij prokurori Lor Bekkoning aytishicha, gumondorlardan biri Parijning shimolida joylashgan Sharl de Goll aeroportida mamlakatni tark etish arafasida ushlangan. U Jazoirga uchib ketmoqchi bo‘lgani aniqlangan. Keyingi ma’lumotlarga ko‘ra, ikkinchi gumondor Sen Sen Deni hududida qo‘lga olingan. Parij prokurorining ma’lum qilishicha, jinoyatchilarni qidirishda 100 dan ortiq tergovchi jalb qilingan.

Ma’lumot uchun, sodir etilgan o‘g‘irlik oqibatida yetkazilgan zararning dastlabki bahosi 88 million yevroni tashkil etadi.

• Fransiya
• O'g'irlik
• muzey