Rossiya tashqi ishlar vazirining so‘zlariga ko‘ra, Alyaskadagi sammitdan so‘ng Tramp “vaqtinchalik tinchlik emas, balki barqaror, uzoq muddatli tinchlik zarurligini to‘g‘ridan to‘g‘ri va oshkora bayon etgan”. Endi esa, Lavrovning ta’kidlashicha, gap faqat vaqtinchalik tinchlik haqida so‘z bormoqda.

“Hozirda faqat darhol o‘t ochishni to‘xtatish haqida gapirilmoqda, keyinchalik esa tarix o‘z hukmini chiqaradi - bu tubdan o‘zgarishdir”, – degan Lavrov Vengriyaning “Ultraxang” YouTube kanaliga bergan intervyusida.

“Bu, shuningdek, yevropaliklar tinchini yo‘qotib, Tramp ma’muriyatini qiyin ahvolga solishga urinayotganini anglatadi”, – deya qo‘shimcha qilgan u.

Shuningdek, Rossiya tashqi ishlar vazirining ta’kidiga ko‘ra, AQSh hech qanday yo‘nalishda Amerika-Rossiya hamkorligini xohlamaydigan Yevropa vakillari, Volodimir Zelenskiy va boshqalar tomonidan g‘oyat kuchli, tasavvur qilib bo‘lmas darajadagi bosim ostida qolgan.

• AQSh
• Intervyu
• Lavrov
• Rossiya
• Ukraina