Har yilning 2-dekabr sanasi dunyoda qullikka qarshi kurashish, shuningdek kompyuter savodxonligi kuni sifatida nishonlanadi. Aynan mana shu sanada Napoleon Bonapart oʻzini Fransiya imperatori deb eʼlon qilgan, Fidel Kastro Kuba prezidenti sifatida ish boshlagan.
Qullikka qarshi kurashish kuni
Butunjahon qullikka qarshi kurashish kuni har yilning 2-dekabr sanasida nishonlanadi. Aynan mana shu kunda BMTning bosh assambleyasi tomonidan odam savdosiga qarshi kurash haqidagi konvensiya qabul qilingan.
Qullikka qarshi kurash ushbu tushunchaning oʻzi paydo boʻlgan vaqtlardan beri davom etib keladi. Ammo, tarixda qullik tushunchasi meʼyoriy holatga aylanib qolgan davrlar ham boʻlgan. Bugungi kunda qullik dunyoda taqiqlangan boʻlishiga qaramay, butunlay yoʻq boʻlib ketmagan.
Ushbu sanada jamoatchilik eʼtibori majburiy mehnat, jinsiy qullik, majburiy nikoh, kelinlarni sotish, bolalarga nisbatan zoʻravonlik va ulardan harbiy mojarolar vaqtida foydalanish, odam savdosi masalalariga qaratiladi.
Xalqaro kompyuter savodxonligi kuni
Xalqaro kompyuter savodxonligi kuni 2001-yilda Hindistonning NIIT kompaniyasi tomonidan taʼsis etilgan. Ushbu kompaniya dasturiy taʼminot va IT-konsalting bilan shugʻullanar edi. Avvaliga ushbu bayramni kompaniyaning 20-yillik yubileyini nishonlash maqsadida oʻylab topishgan. Ammo, keyinchalik u boshqa mamlakatlarda ham ommalashib ketgan.
Tarixiy hodisalar
1409 yil – Leypsigda Markaziy Yevropadagi ilk universitetlardan biri ochilgan.
1804 yil – Napoleon I Bonapart oʻzini Fransiya imperatori deb eʼlon qilgan.
1870 yil – Rim Italiya qirolligi poytaxtiga aylangan.
1976 yil – Fidel Kastro Kuba prezidenti sifatida ish boshlagan.
2010 yil – iPhone'da “Viber” messenjeri ishga tushirilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!