London politsiyasi bugun bo‘lib o‘tadigan Falastinni qo‘llab-quvvatlash mitingida tartibni saqlash uchun Britaniya poytaxti ko‘chalarida 1 mingdan ortiq politsiyani joylashtirgan.

“Biz bugun Falastin uchun marshda o‘z ovozlarini bildirish maqsadida London markaziga minglab odamlar kelishini kutamiz”, - deyiladi politsiya bayonotida.

“Marshda mingdan ortiq politsiyachi navbatchilik qiladi, ular butun poytaxt bo‘ylab styuardlar (ommaviy tadbirlar tashkilotchilariga yordam beruvchi xodimlar) va tashkilotchilar bilan birgalikda ishlaydi”, - deya qo‘shimcha qilgan London politsiyasi.

Shu bilan birga, namoyishchilar XAMASni qo‘llab-quvvatlovchi bayroq ko‘tarsa hibsga olinishidan ogohlantirilgan, chunki bu tashkilot 2021-yil noyabrida butunlay taqiqlangan va Buyuk Britaniyada terrorchi deb tan olingan.

XAMASga tegishli bo‘lish yoki ushbu tashkilotni qo‘llab-quvvatlashga qaratilgan og‘zaki yoki og‘zaki bo‘lmagan har qanday chaqiriqlar 14-yilgacha qamoq jazosi bilan jazolanishi mumkin bo‘lgan jinoyat hisoblanadi.

• Buyuk Britaniya
• Falastin
• Isroil
• London
• Namoyish
• Urush