Gunvor Group kompaniyasi “Lukoyl”ning xorijiy aktivlariga egalik qiluvchi qo‘shma korxonasi — LUKOIL International GmbH’ni sotib oladi.
“Lukoyl”ning rasmiy press-relizida kompaniya taklifni qabul qilgani va boshqa ehtimoliy xaridorlar bilan muzokaralar olib bormaslik majburiyatini olgani qayd etilgan.
Materialda ta’kidlanishicha, LUKOIL International GmbH’ni sotish ayrim davlatlar tomonidan “Lukoyl” va uning qo‘shimcha jamiyatlariga nisbatan joriy etilgan cheklov choralari bilan bog‘liq. Bitimning moliyaviy parametrlari e’lon qilinmagan.
Gunvor Group kompaniyasi 2000-yilda Torborn Tornkvist va Vladimir Putinga yaqin tadbirkor sifatida qayd etiladigan Gennadiy Timchenko tomonidan ta’sis etilgan. Kompaniya uzoq yillar davomida Rossiya neftini xorijga eksport qilib kelayotgan eng yirik treyderlardan biri hisoblanadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!