Mustaqil Davlatlar Hamdo‘stligi (MDH) muhim xalqaro bayonot tayyorlamoqda, deya xabar berdi MDH Ijroiya qo‘mitasi
matbuot xizmati.
Qayd etilishicha, MDH Hamdo‘stlik Davlat rahbarlarining ko‘p qutbli dunyoda davlatlararo munosabatlar tamoyillari to‘g‘risidagi bayonoti ishlab chiqilmoqda.
Minskda hujjat matnini yakunlash va kelishish bo‘yicha ekspert guruhining yig‘ilishi bo‘lib o‘tdi. Unda Ozarbayjon, Armaniston, Belarus, Qozog‘iston, Qirg‘iziston, Rossiya, Tojikiston, O‘zbekiston va MDH Ijroiya qo‘mitasi vakillari ishtirok etdi.
Hujjatni tayyorlash Rossiya tomoni tashabbusi bilan boshlangan.
"Bayonot loyihasi MDHning xalqaro huquq normalariga muvofiq keng xalqaro hamkorlikka ochiqligini tasdiqlaydi va xalqaro munosabatlarning yanada adolatli arxitekturasini yaratishga ko‘maklashish niyatini ta’kidlaydi”,– deyilgan xabarda.
Yig‘ilish yakunlari bo‘yicha ekspert guruhi bayonot loyihasi matni ustida ishlashni davom ettirishga qaror qildi.
31°
Kechasi 18°
