Maks Plank nomidagi evolyusion antropologiya instituti xodimi Jeremi Makkormak boshchiligidagi paleontologlar jamoasi katta oq akulalar bilan raqobat Yer yuzida yashagan eng yirik akula – megalodonning yo‘q bo‘lib ketishiga sabab bo‘lishi mumkinligini isbotladi.

23 million yil oldin yashagan Otodus megalodonining uzunligi 20 metrgacha va og‘irligi 103 tonnagacha bo‘lgan, bu ularni tarixdagi eng kuchli yirtqichlar bo‘lganini anglatadi. Hozirda oq akula uzunligi atigi 6 m.ga yetadi va og‘irligi taxminan 2200 kg.ni tashkil qiladi. Biroq, zamonaviy megalodonlar tishlaridagi sink izotoplarini o‘rganish bo‘yicha so‘nggi tadqiqotlar shuni ko‘rsatdiki, ikkala tur ham birxil tarzda oziqlangan.

Izotop tahlili diyetani tushunish uchun juda kuchli vositadir, chunki elementning izotop nisbatlaridagi farqlar hayvon tomonidan iste’mol qilinadigan oziq-ovqat manbasini va uning oziq-ovqat zanjiridagi o‘rnini kuzatishi mumkin. Shuningdek, u hayvonning turmush tarzi haqida xulosa chiqarish imkonini beradi va o‘lja uchun turlararo raqobat kabi sirlarni yoritishga yordam beradi.

Miosen (20,4 – 16 million yil oldin) va Pliosen (5,3 – 3,6 million yil avval) akulalari tishlarini o‘rgandi, so‘ngra ularni zamonaviy akulalar bilan taqqoslab, olimlar ularning zamonaviy va qadimgi izotop o‘lchovlari deyarli bir xil ekanligini isbotlashgan.

Paleontologlar yirtqich akula ham kitlar yoki boshqa yirik okean jonzotlari kabi bir xil o‘lja uchun kurashgan degan xulosaga kelishdi. Megalodonning kattaligi va uning energiya talablari mavjud o‘lja miqdorining kamayishi bilan turning omon qolishi uchun jiddiy xavf tug‘dirdi va oxir-oqibat yo‘q bo‘lib ketishiga olib keldi.

• Akula
• Baliqchilik
• Olimlar