31°
Kechasi 18°
Yaponiya bosh vaziri Fumio Kisida BMT Bosh Assambleyasida so‘zlagan nutqida Shimoliy Koreya yetakchisi Kim Chen In bilan “istalgan vaqtda va hech qanday shartlarsiz” shaxsan uchrashishga tayyorligini bildirdi.
“Men bu yerda rais Kim Chen In bilan istalgan vaqtda va hech qanday shartlarsiz yuzma-yuz uchrashishga tayyor ekanligimni bildirmoqchiman”, – dedi Yaponiya hukumati rahbari.
Kisida Yaponiya KXDR bilan munosabatlarni normallashtirish va ikki davlat o‘rtasidagi mavjud muammolarni, jumladan, o‘g‘irlab ketilgan Yaponiya fuqarolari va Pxenyanning yadroviy raketa dasturi bilan bog‘liq muammolarni to‘liq hal qilishga intilayotganini qo‘shimcha qildi. Yaponiya bosh vaziri, shuningdek, KXDR bilan birgalikda Yaponiya-Shimoliy Koreya munosabatlarining “yangi davrini” ochishga tayyorligini maʼlum qildi.
Kisida so‘nggi yillarda o‘zidan oldingi rahbarlar singari Shimoliy Koreya razvedkasi tomonidan o‘g‘irlab ketilgan Yaponiya fuqarolari muammosini hal qilish uchun Kim Chen In bilan shaxsan uchrashishga tayyorligini bir necha bor ta’kidlagan.
KXDR razvedka xizmatlari tomonidan yaponlarning o‘g‘irlab ketilishi mavzusi ikki davlat o‘rtasidagi munosabatlardagi eng og‘riqli mavzulardan biri hisoblanadi. 2002-yilda Pxenyan ilk bor bor-yo‘g‘i 13 nafar yapon fuqarosi o‘g‘irlab ketilganini tan oldi va ulardan besh nafariga o‘z vatanlariga qaytishga ruxsat berdi.
Qolganlari o‘lgan deb e’lon qilindi va o‘ligi qarindoshlariga jo‘natildi, ularning shaxsini tasdiqlab bo‘lmadi. 2014-yil may oyida Yaponiya va Shimoliy Koreya hukumatlari yapon fuqarolarining o‘g‘irlanishi bo‘yicha yangi tergov o‘tkazishga kelishib oldilar, biroq bu bilan shug‘ullangan komissiya keyinchalik Pxenyan tashabbusi bilan tarqatib yuborildi.
Janubiy Koreya OAVlari avvalroq KXDR va Yaponiya vakillari iyun oyida uchinchi mamlakatlarda o‘g‘irlab ketilgan Yaponiya fuqarolari masalasini muhokama qilish uchun kamida ikkita uchrashuv o‘tkazgani haqida xabar bergan edi. Yaponiya rasmiylari buni rasman tasdiqlamadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
