“Motorola” kompaniyasi yangi – “Moto G Stylus 5G” smartfonini taqdim etdi, uni avval chiqarilgan “Moto G Stylus Gen 3”ning takomillashtirilgan versiyasi, deb atash mumkin. Yangilik shundaki, kompaniya 6,8 dyuymli FHD+ ekranini saqlab qoldi, biroq yangilanish tezligi 120 Gs.gacha oshgan.

Qayd etilishicha, smartfonda qo‘l yozuvi va chizish uchun korpusga o‘rnatilgan “stylus” tayoqchasi ham saqlab qolingan. Aksessuar “Moto Note” tezkor qayd ilovasi bilan birlashtirilgan bo‘lib, undan smartfonni qulfdan chiqarmasdan ham foydalanish mumkin.

Qurilmaning yana bir muhim yangilanishi “Adreno 619L” tezlatkichli yangi “Snapdragon 695” (8 nm) chipidir. U 8 Gb operativ xotira va 256 Gb ichki xotira bilan boyitilgan. Bundan tashqari, 1 terabaytgacha bo‘lgan mikro SD kartalarini ham qabul qila oladi.

Asosiy kamera uchta: 50 megapikselli asosiy, shuningdek 8 MP monoxrom va 2 MP makro moduldan iborat. Shuningdek 16 megapikselli old kamera ham mavjud.

Batareya sig‘imi 5000 mA/soat bo‘lgan yangi smartfonning boshlang‘ich narxi 500 AQSH dollari etib belgilangan.

• Telefon