“Muzyurak” multfilmining uchinchi va to‘rtinchi qismlari ustida bir vaqtning o‘zida ish olib borilmoqda. Bu haqda “Walt Disney Animation Studios” direktori Bob Iger Gonkongdagi tadbirda aytib o‘tdi.

Maʼlumotlarga ko‘ra, multfilmning 3-qismi 2024-yilning fevral oyida “Hayvonlar shahri-4” animatsion filmi bilan birgalikda premyera qilinishi kutilmoqda.

Qo‘shimcha tafsilotlar hozircha nomaʼlum. Tahlilchilar multfilmning birinchi va ikkinchi qismlari premyerasi o‘rtasidagi 6 yillik farqni hisobga olib, navbatdagi qismlar 2025-yilda omma eʼtiboriga havola etilishi mumkin deb hisoblamoqda.

Eslatib o‘tamiz, “Muzyurak” multfilmining ilk qismi 2013-yil 27-noyabr kuni katta ekranlarda namoyish qilingandi. U jahon prokatida 1,28 milliard dollardan ko‘proq daromad keltirgan.

Multfilmning davomi 2019-yili premyera qilingan va 1,45 milliard dollar daromad keltirgan.

• Bolalar
• Multfilm