Joriy yil 18-may kuni ijtimoiy tarmoqlarda Namangan shahar I.Karimov ko‘chasiga tungi xizmatga jalb etilgan YPX inspektori S.Axrolovning 01W741SB davlat raqam belgili avtotransport vositasi haydovchisiga “shantaj” uyushtirishga uringani aks etgan videotasvir tarqaldi.
Viloyat IIB bergan maʼlumotga ko‘ra, ushbu xodim tomonidan avtomashinaning old va orqa oynalarini qoraytirib olganligi holati bo‘yicha yuqoridagi haydovchi to‘xtatilgan va hujjatlarini so‘ralgan.
Yuqoridagi holat aynan shu vaqtda – inspektor va haydovchi o‘rtasidagi muloqot vaqtida yozib olingan.
Ushbu avtomashina haydovchisi avtomashinaga tegishli bo‘lgan hujjatlarni taqdim qilgan va avtomashinani old va orqa oynalari yorug‘lik o‘tkazuvchanligini o‘lchovchi moslama yordamida o‘lchab ko‘rilgan. Old oynasi 51 foiz va orqa oynalari 100 foiz ekanligi ko‘rilib, haydovchiga ruxsat berilgan.
“Ijtimoiy tarmoqlarda ushbu xodim bilan bog‘liq tarqalgan videolar bo‘yicha surishtiruv harakatlari olib borilmoqda”, – deyiladi xabarda.
Avvalroq, Samarqand viloyati Qo‘shrabot tumanida IIB xodimi o‘z pogonini o‘zi yulib, yonidagi ayolni aybdor qilgani va sud ayolni jazolagani haqida xabar berilgan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!