Har qanday NATO davlati Rossiyaga qo'yilgan "jahannam sanksiyalari"dan bir hafta ichida tamom bo‘lardi. Bu haqda Rossiya TIV rasmiy vakili Mariya Zaxarova Italiyaning ANSA axborot agentligiga bergan intervyusida ma'lum qildi.

Diplomatga quyidagi savol berildi: “Rossiyaning neft va gaz eksportidan foydasi sezilarli darajada pasaymoqda, rubl qulab tushdi, inflyatsiya o‘sib bormoqda, shu bilan birga, dronlar deyarli har kuni Moskvaga hujum qilmoqda. Rossiya bu mojaroni yana qancha davom ettira oladi?”.

"Sizni tinglash juda kulgili. Ular bizga, o'z so'zlari bilan aytganda, "jahannam sanksiyalari”ni qo‘llagandan so'ng, Qo'shma Shtatlarning hisob-kitobiga ko'ra, biz 2022-yilda bir oyga ham bormasligimiz kerak edi.

Ammo unday bo‘lmadi. Aslida Rossiyaga qo'yilgan "jahannam sanksiyalari"dan har qanday NATO davlati, xususan, AQShning o‘zi ham bir hafta ichida tamom bo‘lardi. Ammo biz yashaymiz, rivojlanamiz, oldinga intilamiz”, - deb javob berdi Zaxarova.

• NATO
• Rossiya