Navbahor tuman IIB navbatchilik qismining xabariga ko‘ra, joriy yilning 2-iyul kuni soat taxminan 13:30 da Navbahor tumani, “Yangi obod” MFYda yashovchi voyaga yetmagan 13.07.2011-yilda tug‘ilgan Baxtiyorov Ravshan Allayor o‘g‘li hamda 26.05.2011-yilda tug‘ilgan Saydullayev Azizbek Oybek o‘g‘lilari “Beshrabot-Konimex” kanalining “Yangi obod” MFY, Bunyodkor ko‘chasidan oqib o‘tuvchi qismida sinfdoshlari bilan cho‘milish maqsadida borishgan vaqtida mazkur kanalda cho‘kib vafot etishgan.

Mazkur holat yuzasidan o‘tkazilgan tergovga qadar tekshiruv harakatlari davomida, “Beshrabot-Konimex” kanalining “Yangi obod” MFY, Bunyodkor ko‘chasidan oqib o‘tuvchi qismi ko‘zdan kechirish vaqtida jinoyatga xos belgilar aniqlanmadi. Sud tibbiy ekspertizaning dastlabki ma’lumotnomasiga ko‘ra, voyaga yetmagan R.Baxtiyorov va A.Saydullayevlarning o‘limiga “yuqori nafas yo‘llarining suv bilan berkilishidan kelib chiqqan mexanik asfiksiya natijasida yuzaga kelgan” bo‘lishi mumkinligi ma’lum qilingan.

Shuningdek, olib borilgan tergovga qadar tekshiruv davomida, Hududiy elektr tarmoqlari Navbahor tuman bo‘limining tegishli mutaxassislari jalb qilingan holda tumanning “Yangi obod” MFY, Bunyodkor ko‘chasidan oqib o‘tuvchi “Beshrabot-Konimex” kanalida yonida joylashgan fuqaro A.Rayimovga tegishli bo‘lgan, dehqonchilik uchun mo‘ljallangan dala yer maydonini sug‘orish uchun qo‘yilgan suv nasosi ishchi holatda kanalga tushirib ko‘rilganda suvda elektr ko‘rsatkichlari mavjud emasligi aniqlangan.

Hozirda mazkur holat yuzasidan Navbahor tuman prokuraturasi tomonidan tergovga qadar tekshiruv harakatlari o‘tkazilayotgan bo‘lib, natijasi bo‘yicha qonuniy qaror qabul qilinishi ta’minlanadi.

• FVB
• IIB
• Navoiy