Qozog‘istonning sobiq prezidenti Nursulton Nazarboyev faxriy senator maqomidan mahrum etildi. Bu haqda jurnalistlarga respublika Senati (parlament yuqori palatasi) raisi Maulen Ashimbaev ma’lum qildi.

"Taxminan ikki-uch hafta oldin reglamentni qayta ko'rib chiqqach, Senat reglamentiga tegishli o'zgartirishlar kiritilib, reglamentdan faxriy senator unvonini olib tashladik. Bizda hozir bunday institut yo'q. Xalqimiz ovoz berdi. Iyun oyida boʻlib oʻtgan referendumda Birinchi Prezident – Elboshi haqidagi normalar Konstitutsiyadan chiqarib tashlangan. Bu xalqning qarori”, - dedi Ashimbayev.

Bundan tashqari, Ashimbaev bungacha faxriy senator unvoni 2019-yil may oyida faqat bir kishiga — Qozog‘istonning birinchi prezidentiga berilganini taʼkidladi.

"Faxriy senator" unvoni endi qonunda yoʻq. Darhol aytishim kerak, Senat reglamentiga oʻzgartirishlar kiritilgan. Biz ushbu bandni qayta koʻrib chiqish va oʻzgartirish chogʻida “faxriy senator” unvonini olib tashladik. Ungacha u faqat bir kishiga berilgan edi.Endi bunday unvon hech kimga berilmaydi Chunki hozir bizda bunga qonuniy asos yo‘q”, deb tushuntirdi u.

Ma’lumot uchun, Qozog‘istonni qariyb 30 yil boshqargan Nazarboyev 2019-yilning 20-martida prezidentlikdan iste’foga chiqdi. Uning lavozimiga avval Senat raisi bo‘lgan Qosim Jomart To‘qayev tayinlandi. Inauguratsiya chog‘ida u Nazarboyevga faxriy senator maqomini berish zarur, deb hisoblaganini aytgandi.

2019-yil 6-iyun kuni Nazarboyevga o‘sha paytda parlament yuqori palatasini boshqargan to‘ng‘ich qizi Darig‘a faxriy senator belgisi va guvohnomasini topshirdi.

Qozog‘istonda o‘tgan yozda referendumda fuqarolar tomonidan qo‘llab-quvvatlangan konstitutsiyaga kiritilgan o‘zgartirish va qo‘shimchalar kuchga kirdi. O‘zgartirishlar qatorida mamlakatning asosiy qonunidan birinchi prezident haqidagi barcha havolalarni olib tashlash ham bor. Xususan, Nazarboyevning maqomi va vakolatlari konstitutsiya va tegishli konstitutsiyaviy qonun bilan belgilanishi haqidagi band 46-moddadan chiqarib tashlandi.

• Nazarbayev
• Qozog‘iston