“Netflix” aksiyalari deyarli 40 foizga tushib ketdi, kompaniya qiymati hozirda 100 milliard dollardan arzon. 

Qayd etilishicha, investorlar kompaniyaning 2011 yildan beri pullik obunachilarni yo‘qotishi haqida gapirgan hisobotidan hafsalasi pir bo‘lgan.

“Nasdaq” ma’lumotlariga ko‘ra, “Netflix” aksiyalari chorshanba kungi dastlabki savdolarda 39 foizga tushib, bir aksiya uchun 212,51 dollarni tashkil qildi. “Netflix”ning bozor qiymati 60 milliarga arzonlashib, 100 milliard dollarga baholanmoqda.
 
Xabarlarga ko‘ra, “Netflix” aksiyalari kompaniya 2022 yilning birinchi choragida 200 000 obunachini yo‘qotgani haqida xabar berganidan so‘ng tushib ketgan. “Bloomberg”ning qayd etishicha, bu 2011 yildan beri xizmat mijozlari bazasining birinchi marta qisqarishidir. Kompaniya, shuningdek, yilning ikkinchi choragida yana 2 million obunachi yo‘qotishi bashorat qilingan.

“AJ Bell” investisiya firmasining bosh investision direktori Russ Mould “Bloomberg” agentligiga ma’lum qilishicha, xizmatning asosiy muammosi – obunani bekor qilish juda oson ekanidir. Uning fikricha, obunani bekor qilish – inflyasiya tezlashishi sharoitida iste’molchilar pulni tejash uchun qiladigan birinchi omil hisoblanadi.

Yil boshida aksariyat tahlilchilar investorlarga “Netflix” aksiyalarini ularning o‘sishiga qarab sotib olishni tavsiya qilishdi. Ammo endi tahlilchilar o‘z taxminlarini pasaytira boshladilar, deb yozadi “Bloomberg”. Xususan, UBS Bank ekspertlari striming-biznesdagi raqobat, iqtisodiy qiyinchiliklar va bozorning to‘lib ketganligi sabab kompaniya aksiyalari reytingini “sotib olish” tavsiyasidan “neytral” maqomga o‘tkazish masalasini qayta ko‘rib chiqishdi.

“Netflix” obunachilarni yo‘qotishni tuzatish yo‘llarini qidirmoqda. Xususan, xizmat arzonroq va reklama qo‘llab-quvvatlanadigan obuna versiyasini joriy qilishi hamda foydalanuvchilarning hisob parollarini bir-biriga o‘tkazish urinishlarini bloklashi mumkin.

• Netflix