Ispaniyalik Vans Palau Fernandes Ginnesning rekordlar kitobi rekordchisiga aylandi, deb yozadi “Zakon.kz”.

Ginnesning rekordlar kitobi veb-saytiga ko‘ra, u 3615 ta model bilan eng katta mobil telefonlar kolleksiyasini to‘plagan. Erkak gadjetlarini Barselonadagi kvartirasida saqlaydi.

U 2008-yilda Nokia kolleksiyasini yig‘ishni boshlagan va 10 yildan so‘ng u ushbu markadagi 700 ta telefonga ega bo‘lgan. Fernandes uni boshqa brendlarning gadjetlari va Nokia hech qachon sotuvga chiqarmagan qurilmalar prototiplari bilan to‘ldirishga qaror qildi. Bugungi kunda uning kolleksiyasida Siemens, NEC, Motorola, Blackberry, Samsung, HTC, Apple va boshqa ko‘plab kompaniyalarning telefonlari mavjud. Ular orasida eksklyuziv va noyob modellar mavjud.

Avvalgi rekord 2023-yilda ruminiyalik Andrey Bilbi Argentis tomonidan o‘rnatilgan edi. U 3456 ta telefonni yiqqan edi.

• Nokia
• rekord