“Hizbulloh” Isroil boʻylab 100 dan ortiq raketa uchirdi. Bu haqda Isroil armiyasi xabar berdi.

Unga ko‘ra, “Hizbulloh” Livandan Isroilning shimoliga qarata o‘nlab raketalar bilan tunda hujum uyushtirgan. Shuningdek, tuni bilan havo hujumidan ogohlantiruvchi sirenalar chalingan.

Qayd etilishicha, “Hizbulloh” tomonidan 105 ta raketa uchirilgan, shulardan ayrimlari tutib qolingan.

Eslatib o‘tamiz, 20-sentyabr kuni Isroil mudofaa kuchlari Livandagi “Hizbulloh” harakatining tayanchi hisoblangan Bayrutning Dahiya mahallasiga havo hujumi uyushtirgan.

Hujum oqibatda guruhning asosiy yetakchilaridan biri Ibrohim Oqil va yana 10 ga yaqin yuqori martabali qo‘mondonlar halok bo‘lgandi.

• Isroil
• Jahon