Yolgʻiz ovqatlanish katta yoshli ayollarda yurak-qontomir tizimi kasalliklariga sabab boʻlishi mumkin. Janubiy koreyalik olimlar oʻtkazilgan tadqiqotlar natijasida aynan mana shunday xulosaga keldilar.

Yolgʻiz ovqatlanish vaqtida odam taomni nisbatan tezroq yeb tugatadi. Bu esa oʻz navbatida tana ogʻirligi indeksi, qondagi lipidlar darajasi va arterial bosim koʻrsatkichining oshib ketishiga olib keladi. Ushbu omillarning barchasi birgalikda yurak-qontomir tizimi kasalliklari ehtimolini oshirib yuboradi.

Janubiy koreyalik olimlar tadqiqot jarayonida 600 nafar ayolning turmush tarzi va taomlanish tartibini koʻzdan kechirganlar. Olimlar tomonidan ularning taomni bir oʻzlari yoki boshqa odamlar bilan birga isteʼmol qilishlariga eʼtibor qaratilgan. Tadqiqotda 65 yoshdan oshgan ayollar ishtirok etgan.

Aniqlanishicha, yolgʻiz ovqatlanadigan ayollarda stenokardiya rivojlanishi xavfi 2,5 martaga balandroq boʻladi. Olimlar bu masalaga jiddiy eʼtibor qaratishni tavsiya qilganlar.

• salomatlik