4-iyun kuni O‘zbekiston Respublikasi Oliy sudining kassatsiya hay’ati Kattaqo‘rg‘on tumani Davlat soliq inspeksiyasi boshlig‘i o‘rinbosari Aziz Axmedov ishini ko‘rib chiqdi. Bu haqda O‘zbekiston inson huquqlari Ezgulik jamiyati raisi o‘zining Facebook’dagi sahifasida ma’lum qildi.

Unga ko‘ra, soliq inspektori YPX xodimlarining zo‘rovonligi natijasida vafot etgan, AQSHdagi Jorj Floyd hodisasiga o‘xshash bu ish uchun inspektor Mehriddin Qo‘chqorov va yana bir sherigi shu yil 31-yanvarda 2 yillik manzil koloniyaga hukm qilingandi.

Ma’lum bo‘lishicha, shu kunda Qo‘chqorov ozodlikka chiqarilgan va ikki nafar xodimning javobgarligi masalasi esa endi o‘rganilmoqda. Oliy sudning kassatsiya hay’ati chiqarilgan hukmni bekor qildi va ishni apellatsiya sudiga qaytardi. Ish Samarqand sudida qayta ko‘riladi.

IIV hodisadan bir kun o‘tib, bodi kameralardagi tasvirlarni montaj qilib, soliqchi Aziz Axmedovning o‘zini aybdor qilib ko‘rsatgan, keyinchalik zo‘rovonlik fosh bo‘lgan, deya yozadi Ezgulik jamiyati raisi.

Eslatib o‘tamiz, 2021-yilning 10-iyuniga o‘tar kechasi 4 nafar YPX xodimi soliqchi Aziz Axmedovni bo‘g‘ib turgan va natijada u vafot etgan.

• Jinoyat
• Oliy sud
• Samarqand
• Soliq
• “Ezgulik” jamiyati