Davlat rahbari raisligida bo‘lib o‘tayotgan videoselektor yig‘ilishida, haydovchilik guvohnomasini olishda turli yo‘llardan foydalanilayotgani, buning oqibatida esa avtohalokatlar soni oshib borayotgani xususida alohida to‘xtaldi.

“Bir muhim masalaga barchaning e’tiborini qaratmoqchiman. Umuman, haydovchilik guvohnomasini o‘qimasdan olish oddiy holga aylanib qoldi. Shuning uchun avariyalar soni soat sayin oshib bormoqda”, – dedi Prezident yig‘ilishda.

Davlat rahbarining bildirishicha, bu muammoni bartaraf qilish uchun mutasaddilarga, avvalo, o‘qitish tizimini tubdan takomillashtirish, ikkinchidan, o‘qitmasdan va o‘rgatmasdan guvohnoma berish “jinoyati”ga qarshi jazoni kuchaytirish bo‘yicha qonunchilikka qo‘shimcha kiritish yuzasidan taklif kiritish topshirig‘i berilgan.

“Yo‘llarda xavfsiz harakatlanishga sharoit yaratish, avariya va o‘lim holatlarini keskin qisqartirish, buning uchun harakatni boshqarishni to‘liq raqamlashtirish zarurligi ko‘rsatildi. Shu munosabat bilan Ichki ishlar, Adliya vazirliklari, Bosh prokuraturaga aniq topshiriqlar berildi”, – dedi Shavkat Mirziyoyev.

• Haydovchilik guvoxnomasi
• Prezident