O‘qish bilan bog‘liq odatlar. Odatlarni shakllantirish usullaridan biri - kerakli yangi xulq-atvorni allaqachon tanish bo‘lgan xatti-harakatlar bilan bog‘lashdir. Masalan, siz har kuni 10 tadan yangi so‘z yodlamoqchi bo‘lsangiz, uni sevimli mashg‘ulotlaringiz bilan birga bajarishingiz kerak. Aytaylik, kun davomida oddiy choy ichish vaqtida ham yangi lug‘atlar yodlash mumkin.

Ijtimoiy tarmoqdan foydalanish odatlari. Ijtimoiy tarmoqqa qaramlikni kamaytirishning eng oson yo‘li telefoningizdagi bildirishnomalarni o‘chirishdir. Bundan tashqari, siz ijtimoiy tarmoqlardan foydalanish, elektron pochtani tekshirish va yangiliklar saytlariga kirish vaqtini rejalashtirib olishingiz mumkin.

Sport bilan bog‘liq odatlar. Agar siz hozir umuman mashq qilmasangiz, yangi odatni shakllantirish uchun ikki daqiqalik qoidani sinab ko‘ring. Bu har kuni atigi ikki daqiqa davomida yangi amalni bajarishingiz kerakligidan iborat. Harakat odatiy holga kelguncha buni takrorlang. Aytaylik, siz har kuni ertalab soat 8 da 2 daqiqa mashq qilishni maqsad qilib qo‘yishingiz mumkin. Buni doimiy qilishni boshlaganingizda mashqlar davomiyligini besh daqiqaga, keyin 10, 20 va hokazolarga oshiring.

• Sport
• Ta'lim