Sanitariya-epidemiologiya qo‘mitasi axborot xizmatining ma’lum qilishicha, o‘quvchilar o‘rtasida “Siz qaysi mahsulotlarni ko‘p iste’mol qilasiz?”, “Ota-onangiz nimalarni yeyishingizga ruxsat bermaydi?” degan savollar asosida so‘rovnoma tashkil qilingan. So‘rovnomani Sanitariya, gigiyena va kasb kasalliklari instituti ilmiy tadqiqotchilari o‘tkazishgan.

So‘rovnoma natijalariga ko‘ra quyidagi mahsulotlarni o‘quvchilar eng ko‘p iste’mol qiladi:

- qovurilgan taomlar – 31,5 foiz;

- fast-fudlar – 28,8 foiz;

- turli salatlar – 25,7 foiz;

- qandolat mahsulotlari – 25,5 foiz;

- suyuq taomlar – 25,2 foiz;

- muzqaymoq – 12,2 foiz;

- tez pishuvchi lapshalar (rollton va boshqalar) – 7,6 foiz;

- popkornlar – 7,5 foiz;

- chipslar – 5,2 foiz.

Qaysi mahsulotlarni iste’mol qilishingizga ota-onangiz ruxsat bermaydi, degan savolga esa quyidagicha javob berilgan:

- energetik ichimliklar – 52,2 foiz;

- “kiriyeshki” va chipslar – 43,4 foiz;

- “kukuruz” va popkornlar – 21,1 foiz;

- tez pishuvchi lapshalar – 18,9 foiz;

- fast-fudlar – 14,5 foiz.

Xulosada aholi, ayniqsa, yoshlar o‘rtasida sog‘lom ovqatlanishni, ya’ni ratsion bo‘yicha oqsil, vitamin va mikroelementlarga boy bo‘lgan meva-sabzavotlarni, sut va go‘sht mahsulotlarini ko‘proq iste’mol qilish hamda jismoniy faollik tavsiya etilgan.

• Lifestyle
• Sanitariya
• tadqiqot