Oxirgi besh yilda ikki davlat o‘rtasidagi foydali qazilmalarni qidirish va o‘zlashtirish, transport, mashinasozlik, elektrotexnika, qurilish materiallari ishlab chiqarish, to‘qimachilik va boshqa sohalarda o‘zaro hamkorlik kengaymoqda.

2023-yilning yanvar-oktyabr oylarida O‘zbekiston Ozarbayjonga 9,1 million dollarlik 5,5 ming tonna meva-sabzavot eksport qilgan.
2023-yilda O‘zbekiston va Ozarbayjon qo‘shma loyihalarni moliyalashtirish uchun ustav kapitali 500 million dollar bo‘lgan qo‘shma investitsiya fondini tashkil etdi.

Shu yilning o‘zida tomonlar avtomobilsozlik sohasida hamkorlikni kengaytirish bo‘yicha memorandum imzolagan, unga ko‘ra Ozarbayjon Respublikasida yiliga 30 ming avtomobil ishlab chiqarish quvvatiga ega zavod quriladi.

Rejalar orasida Ozarbayjonda paxtani qayta ishlash zavodi qurish va O‘zbekistonning yetakchi paxta tozalash tizimlari ishlab chiqaruvchi korxonasining so‘nggi texnologik liniyasini o‘rnatish, shuningdek, Ozarbayjonning Barda shahrida ipak mahsulotlari ishlab chiqarish korxonasini ochish ko‘zda tutilgan.
So‘nggi 5-yil ichida O‘zbekiston va Ozarbayjon o‘rtasidagi tovar ayirboshlash hajmi 6,2 baravar oshdi – 2017-yildagi 29 million dollardan 2022-yilda 181,2 million dollarga yetgandi.

Ozarbayjon va O‘zbekiston prezidentlarining 24-noyabr kuni Bokuda bo‘lib o‘tgan uchrashuvida joriy yilda tovar ayirboshlash hajmi 34 foizga oshgani ta’kidlandi. Mamlakatlar o‘zaro tovar ayirboshlash hajmini 1 milliard dollarga yetkazishni rejalashtirmoqda

• Hamkorlik
• Prezident