Oʻzbekistonga 3 oyda 38,6 million dollarlik kartoshka import qilindi. Bu haqida Davlat statistika qoʻmitasi maʼlumot berdi.

Unga koʻra, 2022-yilning yanvar-mart oylarida Oʻzbekiston 10 ta davlatdan qiymati 38,6 million dollarga teng boʻlgan 223,8 ming tonna kartoshka import qilgan. 

Kartoshka importi 2021-yilning mos davri bilan solishtirilganda qariyb 70 ming tonnaga oshgan.

Maʼlumotlarga koʻra, 2022-yilning dastlabki 3 oyida Oʻzbekiston kartoshka import qilgan davlatlar:

Pokiston – 172,2 ming tonna;
Qozogʻiston – 20,1 ming tonna;
Rossiya – 13,3 ming tonna; 
Qirgʻiziston – 7,5 ming tonna;
Eron – 5,4 ming tonna; 
Afgʻoniston – 4 ming tonna;
Belarus – 631,6 tonna;
Niderlandiya – 595 tonna.

• Pokiston
• Qozog‘iston
• kartoshka
• statistika