2024-yilning 3-avgust kuni Dushanbe shahrida Tojikiston Respublikasi va O‘zbekiston Respublikasi o‘rtasida Markaziy Osiyo transchegaraviy daryolarining suv resurslaridan kompleks foydalanish bo‘yicha qo‘shma Ishchi guruhining 7-majlisi bo‘lib o‘tdi. Bu haqda Tojikiston Energetika va suv resurslari vazirligi matbuot xizmati ma’lum qildi.

Mazkur uchrashuvda mintaqa davlatlarini toza ichimlik suvi bilan taʼminlashda Sarez koʻli suv resurslaridan foydalanish masalalari, Tojikiston Respublikasi va Oʻzbekiston Respublikasi oʻrtasida suv xoʻjaligi sohasida yangi qoʻshma transchegaraviy loyihalarni amalga oshirish imkoniyatlari muhokama qilingan.

Shuningdek, kelgusida do‘st davlatlar – Tojikiston va O‘zbekistonning suv resurslari sohasidagi hamkorligi kengayib, mustahkamlanishiga ishonch bildirilgan.

• Tojikiston